Studio “Be-elastic” osmislio je nogare od metala pod imenom “Snap”, koje mogu da pretvore bilo koju ravnu površinu u stolić ili ormarić bez šrafljenja, lijepljenja ili sječenja.
Ideja se rodila kada je dvojac, koji čini studio “Be-elastic”, Maria Roca i Erika Biarnes, shvatio da nijedan namještaj ne odgovara njihovim stalnim selidbama i premještanjima.
Zato su osmislili proizvod koji izgleda kao jedna velika spajalica koja je savijena u vrhu, gdje se nalazi stega koja može da prihvati bilo koji pločasti materijal debljine od jednog do četiri centimetra. Kada se materijal ubaci između stege premazane eposkijem, on se učvršćuje putem PVC kabla, koji se provlači kroz unaprijed ostavljenu rupu u stezi.
Ovo je pametna ideja koja ne zahtijeva nikakvo predznanje niti posebne vještine da bi se stolić namontirao. “Snap” može da prihvati pločaste materijale teške do 98 kilograma.
